Microsoft 的 Lumia 950XL 已經在港推出三天,各位 Windows Phone 的狂熱愛好者入手了沒有?雖然現時 Lumia 950XL 的售價仍然偏貴,港幣5998實在不能說物超所值,還可以說是貴到我的荷包喊出來,但小編還是抵受不了全新 Windows 10 Mobile 手機的吸引力,在昨天入手了 Lumia 950XL!在正式推出使用報告前,讓我們先來個開箱文,讓大家可以過過癮吧!
注意︰由於小編的相機被太太借到日本外遊,本開箱文的相片分別由Lumia 950XL、Lumia 1520及相機質素可悲的HTC Desire 618拍攝,希望各位多多體諒!
▲ Microsoft Lumia 950XL 包裝的正面。設計簡潔高貴,小編十分欣賞。然而為何 Microsoft 選擇把 Lumia 950XL 的背面放在包裝的正面呢?是想突顯 Microsoft 的標誌?也是想說它的相機質素是它的賣點?也是 Lumia 950XL 的正面不夠特色呢?
▲ Lumia 950XL 的包裝盒背面一樣設計簡潔,對比起正面,小編更為鍾愛背面的設計!Lumia 950XL 首次採用了熱到爆炸的高通 Snapdragon 810 2.0GHz 八核處理器, 因此也在手機上用了以往一般只在電腦上使用的「水冷」系統,以加強散熱效果。
▲ 把盛載 Lumia 950XL 的盒從包裝盒抽出。嗚呀!Lumia 950XL 的真身出現了,對於被HTC Desire 618折磨了數個月的小編來說,簡直快要流下淚來!上圖中可見 Lumia 950XL 仍然保留了 Glance Screen 的功能。
▲ 在欣賞 Lumia 950XL的真身前,讓我們先來看看隨機附送的週邊吧!注意,接下來數張照片均由 Lumia 950XL 拍攝,未有在電腦作任何修改。
▲ USB 3.1 Type C 數據傳輸線,以後在晚上為 Lumia 950XL 便不用再估估下。
▲ Lumia 950XL 專用充電器!如想享用 Lumia 950XL 的快速充電功能,便需使用專用充電器。因為當使用快速充電時,電流將需要增大,不是所有充電器插座所能提供。這個充電器可提供高達 3A 的電流。
▲ 全新的耳機,採用非入耳式設計,樣子有點像 Apple 的 Earpod。小編暫未有測試耳機質素。
▲ 終於來了,這就是 Lumia 950XL 的正面設計!Lumia 950XL 採用了5.7 吋 (1440×2560) OLED with ClearBlack 的超高清2K屏幕,然而由於採用了虛擬按鍵,實際可顯示的畫面尺寸只為約5.3吋左右。上方可清楚看到 Microsoft 的品牌,右上方為 500 萬像的前置鏡頭。在品牌的左方其實隱藏了用於 Windows Hello 的紅外線虹膜偵測器,小編將在稍後的測評作介紹。
▲ Lumia 950XL 其實頗有 Lumia 1520 的味道。首先是最為搶眼的 2100萬像 PureView + 光學防手震的主鏡頭,旁邊的則為揚聲器。Microsoft 的簡約標誌亦能清晰可見。
▲ Lumia 950XL 的右側方。上圖的左方為 Lumia 950XL 的底部,左方為頂部。由左起的實體鍵分別為相機快門鍵、減低音量鍵、電源鍵及增加音量鍵。值得留意的是,Lumia 950XL 的按鍵與過往的傳統按鍵有別,把電源鍵放到了音量鍵的中間。使用感覺如何?評測再為大家分析。
▲ Lumia 950XL 的底部。配置了 USB 3.1 的連接口,數據傳輸及充電全靠它了。
▲ Lumia 950XL 的頂部,中間配備了一個 3.5mm 的耳機接駁口。
▲ 來個主鏡頭的近鏡。大家可以見到 Lumia 950XL 的三個不同顏色的補光 LED。順帶一提,Lumia 950XL 的主鏡頭光圈最大值為 F1.9。
▲ 把 Lumia 950XL 狠狠拆開,便可以把背殼與主機分離。Lumia 950XL 的 NFC 及無線充電晶片均在背殼,因此如果想換背殼而又想保留以上功能的話,便需要購買內置以上功能晶片的背殼,才能繼續使用 NFC 及無線充電。
▲ Lumia 950XL 採了 Nano Sim 卡,小編手上的為單卡版,可支援 Cat 6;估計未來將推出雙卡版,但只支援 Cat 4。外置儲存卡則採用了一貫的 MicroSD,未來最大可支援 200 GB 的超高容量。電池為可置換式,容量為 3340mAh。
▲ 數部「第一」Lumia 的大合照。左起為屏幕已爆但仍能使用 Windows Phone首部 Phablet 的 Lumia 1520,中間為首部 WP8 的 Lumia 920,右方則為今天的主角、首部 Win10M的 Lumia 950XL。值得留意的是,Lumia 1520的屏幕呎吋為 6吋,Lumia 950XL 為5.7吋,但實際大小上,Lumia 950XL 明顯比 Lumia 1520細小很多,更方便一手掌握。
▲ 最後則為厚度大比較。跟據小編實際比較,Lumia 920與 Lumia 950XL 的厚度相約,但 Lumia 1520 則明顯比 Lumia 950XL 為厚。另外請見諒相片質素,這已經 HTC Desire 618 的極限了…
如欲查詢 Lumia 950XL 的官方參數,見到這裏。
由於測試需時,小編將在稍後送上 Lumia 950XL 的詳細評測報告。現時 Lumia 950XL 已在市面發售,大家不坊直接到各大門市,親身感受一下 Lumia 950XL ,或者直接敗家買一部回家吧!
正啊喂~
鍵盤無8.1的好用
外放比唔上1520,1520的外放實在太正啦
Mon好清,但明顥比1520暗好多,暗好多,暗好多,要講三次
系統有種未優化完的感覺,可能係m$爆笑急轉彎,突然用2年時間去重寫系統吧
影相無發佈會的相咁勁,每張相影完系統都有一個最終處理,怪怪地咁
仲有,其實都幾食電的
但估計手機系統會係m$重心,更新應該會快好多,因只在自己的系統上改進,不像大陸廠或三星,lg 要係人地的and系統上二次創作,相信會安全同強大好多
弱弱的一問 , wp 8.1係咪所有app 都用得返,定win10 還win10, 8.1還8.1?
另外想問下D “制”,有無差過以前D lumia 機?
>但明顥比1520暗好多,暗好多,暗好多,要講三次
熄咗自動調教再手動將光度調最高超光… 我平時用都係開10%光度
>每張相影完系統都有一個最終處理,怪怪地咁
因爲950XL有三個唔同顔色嘅閃光燈,如果有用閃光燈嘅話係因爲佢其實一連串攝咗幾張唔同暴光嘅相,然後比你可以調唔同閃光燈嘅暴光,功能超強…
>因爲950XL有三個唔同顔色嘅閃光燈,如果有用閃光燈嘅話係因爲佢其實一連串攝咗幾張唔同暴光嘅相,然後比你可以調唔同閃光燈嘅暴光,功能超強…
但我無開rich capture 都係咁, 影完相即睇的話要等幾秒先可以放大
Hello Jason,
如果你用開wp機的話我諗係值得買的,而我唔玩面書無咩打機,只收電郵同睇綱頁,所以好似無舊app係用唔到的,因為我部1520個觸屏會發神經同禁佢會有印,自己換mon之後仲打唔到電話,除左以上的話我覺同950差唔多
Alex, thank you 你既回覆,950 好似越聽越重伏味,
我估我都係用多920一年,下年佢部機都係咁,
就堅抽轉會了。
今次仆街啦!
最低級的錯誤境然發生左係我部用左5日的950xl上….
我平時,放係褲袋,用左2年的1520都無事,950xl用5日就出事,相機的玻璃同鏡頭中間有水氣呀,死未
大鑊,點解會冇咗Here map,點算仲買唔買好?
Hello john,
Win 10有內置地圖,一樣可以下載地圖,暫時未知有咩分別。
但係Here Map真係好好用,去旅行自駕遊都係靠晒佢。
內置Maps功能上同Here Maps冇分別,而且地圖data係同時來自here maps再加bing maps, 一樣可以download.
用左幾日,大致上都滿意,最開心是WINDOWS MOBILE年代的SMART DAILING終放返來了。
不過,我是用無線叉電板來電,但發覺由夜晚三點充電至100%,電量會下跌,好像是放了小小電一樣。
我中個伏仲大呀。950XL,入手啱啱一星期。由第四日開始發現會久唔久自己restart,諗住無嘢嘅,restart好死啫,一分鐘唔使就用得。點知尋日啱啱第8日部機一個下晝重啟咗5次!!上科林睇先發現有呢個不治之症。
依家唔上唔落,喺李家間家電舖買現貨,講明得5日退貨期。就算揾M$,7日都過埋。有無計?
你好,
唔好灰住, 我係MS網上面訂係話有14日退貨期, 我果部係鏡頭有水氣, 第二日寄比佢5日後就寄返新機比我啦, 你而家打去MS果度問下點啦
Microsoft香港官方網上商店電話(852) 3071 3709
唔該晒,我試試先。
你好,
你成功換機未?
另外想問下outlook的郵件係咪只能留14日呢?,因為我用pop3的,無論係1520還是現在的950xl都只睇到14日內的電郵,
有無得全部保留係手機內呢?
剛入手,
打電話会黑屏?
原來是保護貼影響了右上角的sensor,吾貼冇事
鬧鐘怎樣可以快速關閉?
你意思係佢响時點樣好快㩒熄?先請問,你係咪用開lumia機?
當响時action bar出提示,左邊嗰粒係要佢幾而之後再响一次,又邊嗰個即時㩒熄。
如果你意思係例如臨瞓前想較聽朝某個預設唔好响,就要入app先得。我用英文介面,由開始畫面右向左掃去所有apps,佢A字頭一㩒就入到。
如果用中文介面,都係先去all apps,㩒實個app pin to start就喺主畫面自己放個就手位置,一按即入。
希望帮到你。
對,是鬧鐘响的事候,现在沒左條bar pop出來,我试到按減音量鍵㩒熄左,但之前按慣左個3粒制,现在改左位,經常按錯
想問下copy字的方法是不是改左,我highlight 完没copy個icon pop出來