於下午10:48 2012-9-25
由 
希望之前的瘋狂傳聞沒有令各位期待 Lumia 920 的讀者有太高期望, 因為今天英國多個網站都開始浮現更多 Lumia 920 及 HTC 8X的預訂價錢, 例如這家叫Digital-Phone.co.uk的網站放出含稅訂購價為469.99英鎊。如果折算為未稅港幣價大約為HKD4,900 ,比之前傳出的3,999更合常理。而且該網站的出貨日期定為10月16日, 完全符合美國盛傳的10月21日登陸AT&T的時間。另外, 德國一家比較出名的網站Handytick 以類似的出貨日期10月17日作標準, 但預購價卻來到749歐元, 折合 7500港元。非常明顯這不是Nokia 會定出的官方價, 純粹為該網站自己定的預購價而已, 所以大家可以放心!
如果你是期待HTC 8X的讀者也要注意一下, Amazon UK 已經把HTC 8X 列作接受預定的行列, 不過預購價來到530歐元(約5,300港幣)水平, 比之前流出的定價要高一些。不過大家不用灰心, 因為另一個網站 Expansys 同樣把HTC 8X 放到預購列中, 而且更定出十分吸引人的399歐元價位! (4,000港元) 而低階機HTC 8S 更以超低價224.99歐元(港幣2,300)接受預訂。
雖然以上所有價格資料都未有官方作實, 但當中並有不少參考價值的, 總體以言, HTC 8X /8S 暫時流出的定價相當吸引, 希望諾基亞於正式推出時能夠來個震撼價, 好讓我們這群用家得益啊!
920如果係依個價既話($4900)
nokia可以rip
佢唔做低個價根本就吸引唔到人轉黎wp
點解Win8 tablet又好WP8又好, D定價要o甘鬼高, 市佔已經夠低, 仲要整個高價黎自殺, 希望今次nokia同htc會生性, 唔好set個價set得o甘高
定價都係太高，而家第一回合係iPhone5先搶閘霸地盤，仲要係賣斷市。
希望Nokia唔好再計錯數，Lumia920係影像方面佔優係無錯，但唔代表一定會食糊，而家HTC及華為已經發表左佢地嘅WP手機，除非920係各性能上都係超班，咁4,900我都仲可以考慮。
不過時間一耐，成個市場戰局會隨時有變。
Under HK$4000 先有可能贏！希望佢地識做啦！
如果佢係定位為旗艦級既機，under 4000 ，nokia 應該好難會咁做(但我心都想佢低d，最好3xxx內) ，不過依家nokia 佢又唔想做爛個市(益左我地)，不過又要生存…..所以….都係個句….平d啦…
請設法做一個3999的版本出來！如不包無線充電座及3g版本，呢個世代wp8要一場價格戰！找M$要補貼，首一星期購買/預訂有此價亦可！
我覺得如果係又ok WO,我又唔駛用到呢兩樣野@@
要求人地旗艦級under $4000雖然係人都想，但現實d講句會唔會過份左呢？
S3 5千6大把人狗衝、埃瘋5 5千5又係
反而Nokia 4千9 (如果係真) 都唔夠進取？
好老實講，以Nokia一貫作風L920賣 5千 以上都唔出奇…
如果真係 4千9 我會覺得現實上可以接受
而家好似係搶市佔….
呢個手機市場而家已經係鬥APPS, 唔係好鬥硬件.
WP就係係呢個一個方面做到臭曬.
一日少人用, APPS 就更新得越慢, APPS 就越少.
結果你無APPS 又會少人用, 無限LOOP…..
如果你想係呢係一個已經由兩個生態系統占左95%GEI 市場入面搶飯食,
我只會話你果個相機, 加一個只係追人地功能都追幾年GEI OS, 係唔夠囉.
(當然對我呢個WP Frds黎講, 只要開賣5K 以下, 我都會即入一部, 因為本身已經用緊WP7.5,
都應該無咩可以衰得過而家, 但係你要知道外面GEI 人唔係咁諗, 你無大突破, 就麻煩賣平少少搶返市佔返黎啦.)
920賣469.99…即係好大機會似LUMIA 900咁4788